KZ
Қазақстанның алғашқы Еңбек Ері, «Алтын Жұлдыз» және «Отан» ордендерінің иегері, Қазақстанның еңбек сіңірген қайраткері Аягүл Төреқызы Миразова құрметіне математика пәні мұғалімдері арасында қалалық II математикалық олимпиада өткізілді.
Олимпиада 8 сәуір күні ұйымдастырылып, ұстаздардың кәсіби шеберлігін арттыруға, математикалық білімін тереңдетуге және тәжірибе алмасуына мүмкіндік берді. Байқау нәтижесінде үздік деп танылған жүлдегерлер анықталып, ақшалай сыйлықтармен марапатталды.
Математикалық олимпиаданың шарықтау сәті – жеңімпаздарды Аягүл Төреқызы Миразованың өзі марапаттауы болды. Жеңімпаздарға дипломдар мен бағалы сыйлықтар табысталды.
Осындай тағылымды шаралар ұстаздардың кәсіби дамуына серпін беріп, білім саласындағы тәжірибе мен ынтымақтастықты нығайта түседі.